Unha vez chego a Cruces, vou recoller o dorsal mentres me atopo con compañeiros de carreiras. Mentres non chegaba a hora de poñerse a quecer, vou preguntando que tal era a carreira xa que non coñecía nada do percorrido, sacando a conclusión de que ía ser unha carreira algo dura con algunha que outra subida interesante pero nada que non teña xa corrido.

Tras realizar o quecemento, colócome adiante de todo para saír ben dende o comezo e intentar seguir o grupo de cabeza e despois de unha conta atrás, dáse a saída.

Manteño posición nos primeiros metros, mentres se ía formando o grupo de cabeza. Un dos corredores comeza a tirar forte, intentando facer unha escapada como se fora no ciclismo que fan as escapadas ao comezo da proba. Isto fixo que a saída fora máis rápido do que pensaba e pouco a pouco voume quedando atrás con outro grupo, intentando seguir ao escapado e ao grupo que se formara de tres corredores.

Metémonos por un camiño de terra, atravesando un monte e nese momento adiántolle ao corredor que fixera a escapada, polo que diante miña só quedaban 3 corredores, estaba as portas do podio xeral pero víaos lonxe, aínda así comezo a tirar forte intentando darlle caza ao seguinte corredor, a pesar de que o terreo era un continuo sube e baixa e con subidas máis duras do que me esperaba ao comezo.

Cando restan dous km's comezo a notarme canso e sen forza para tirar polo que comezo a controlar os corredores que viñan por detrás para conservar posición, a pesar dos ánimos de Ramón Silva (quen me meteu neste equipo) eu xa ía pedindo a hora e desexando chegar a meta. 

Encaramos a longa recta de meta e aperto todo o que dou para salvar posición e tras varias miradas cara atrás vexo que estaban lonxe e que non daban chegado polo que os últimos 50 metros comezo a relaxar e entrar máis tranquilo en meta.

Os obxectivos cumpridos, consigo chegar ao podio quedando primeiro da miña categoría e facendo 2 podios consecutivos na mesma semana (o anterior na Carreira Virxe da Guia) e con grandes sensacións. Fíxoseme bastante dura a carreira con subidas máis pronunciadas do que esperaba pero logo viña a súa correspondente baixada para compensar. Carreira ben organizada e avituallamento completo unha mágoa a escasa participación na carreira dos grandes porque na dos pequenos xa había máis. 

🏆 Clasificación xeral homes 🏆

1. José Canda Louzao ......................... 25:50
2. Sergio Requeijo Requeijo ............... 26:47
3. Adrián López Baltar ........................ 27:52

🏆 Clasificación xeral mulleres 🏆

1. Covadonga Vázquez Sánchez .......... 33:09
2. Patricia Varela Santiso ..................... 35:03
3. Maite Couto Mendoza ...................... 37:31