En plena borrasca, chego A Estrada para recoller o dorsal e poñerme a quecer pero como estaba caendo unha boa, ata o último momento non me animo a quecer, aínda así molleime todo quecendo... xa menos mal que non facía moito frío.

Resgárdome un pouco da chuvia mentres non nos chamaban para a saída. Chegado o momento colócome o máis adiante posible para evitar os atrancos da primeira curva e intentar saír forte dende o comezo.

Dáse a saída e salgo mal, na primeira curva non dou avanzado tras coller o interior, ademais ao estar todo mollado o risco de esvarar era maior. 

Pasada a curva empezo a gañar posicións pero sen atoparme cómodo co ritmo nin coas sensacións xa que sentía que xa non había moito máis forza nas pernas, que xa estaba indo a tope...

A primeira volta, das dúas que había que dar, tómoa máis "relaxado" para ver como estaba o percorrido e é que en cada curva freábame bastante co medo a esvarar e non estaba correndo moi cómodo.

Na segunda volta intento apertar un pouco máis e dar todo o que me quedaba para buscar a marca pero non conseguía atopar boas sensacións aínda así na penúltima curva vexo como por detrás viña un corredor moi forte polo que saco forzas de onde non as hai e comezo a tirar máis, consigo gañar outra posición pero que tras xirar (con coidado...) encaramos a liña de meta e no sprint final volvo perder o posto.

O resultado final foi:

A pesar diso contento xa que me quedei cerca da marca e sei que no próximo intento é moi posible que consiga baixar o tempo, polo que de momento a seguir adestrando.

🏆 Clasificación xeral homes 🏆

🏆 Clasificación xeral mulleres 🏆