Tocaba disputar a penúltima proba antes do merecido "descanso" de verán para volver con máis ganas e afrontar o Campionato Galego de Media Maratón que se celebrará en Riveira o 10 de Setembro. Así despraceime ata Moraña onde se celebraba a V Carreira Carneiro ao Espeto, sobre unha distancia de 10 Km.

O obxectivo sería:

Unha vez que cheguei, fun recoller o dorsal para a carreira e ver a primeira das carreiras de categorías inferiores, rematada a proba, comecei co quecemento mentres saudaba a compañeiros de equipo e das carreiras.

O primeiro km fun gañando postos seguido mentres comezaba a marcar un ritmo alto, máis do normal para ser principio de carreira pero estábame sentindo moi cómodo e as sensación eran moi boas.

Seguín tirando aínda que pouco a pouco deixaba de gañar postos xa que os ritmos se empezaban a igualar. Fórmase un pequeno grupo sobre o km 2,5 no que me axuda a coller un pouco aire e relaxar as pernas xa que decido manterme nel mentres recuperaba.

Ao paso polo control do km 5 marco un tempo de 18:56 min. que equivale un ritmo de 3:47 min/km, bastante ben pero había que apertar máis, aínda que xa ía pensando en que se me ía facer duro a parte final pero había que intentalo.

Comecei a segunda volta apertando máis para coller ao compañeiro de carreiras Sergio Requeijo e unha vez que chego, anímame para que agora vaia polo grupo que ía por diante, fágolle caso e intento chegar onde eles pero as pernas xa non estaban con ganas de ir e decido relaxar un pouco e intentalo máis preto da meta.

Restaban dous km e aínda había que subir unha longa pendente pero sen moita inclinación que acabou cas miñas forzas, dende alí xa empecei a mirar cara atrás para ver a situación e só viña o compañeiro e a primeira das mulleres, polo que o último km o fago máis "tranquilo" e xusto antes de entrar en meta espero polo compañeiro para chegar xuntos a meta. Estes últimos 5 km's fágoos en 17:46 min que supoñen un ritmo de 3:33 min/km.


O resultado final foi:

O obxectivo máis que cumprido xa que fixen 2'24'' menos que o ano pasado, ademais se a proba estivera homologada sería a miña mellor marca na distancia, polo que acabei moi contento co tempo que fixen pero menos coa posición, volvín facer outro 4º e quedarme as portas do podio pero parece que vou polo bo camiño e cada vez estou indo máis rápido. 

🏆 Clasificación xeral homes 🏆

1. Akka Essaadaoui ....................... 32:28
2. Rubén Pereira Cardalda ............. 33:24
3. Abel Barros González ................ 34:19

🏆 Clasificación xeral mulleres 🏆

1. Paula Mayobre González ............ 37:00
2. Rocio Alvite Ferreiro .................. 37:57
3. Marinela Mayo Caamaño ........... 38:14