Unha vez cheguei a Santiago, dirixinme a zona da saída xa que cheguei co tempo xusto para aparcar, ir quecendo polo camiño e colocarme na liña de saída.
Mentres esperaba a que dera comezo a proba, decidín ir a un ritmo entorno a 4 min/km, un ritmo que non fose moi forte pero tampouco ir de paseo.

Deuse comezo a proba e arranquei tranquilo sabendo que hoxe non era día de correr forte. Empecei a perder moitos postos, quizais debería haber saído un pouco máis atrás pero bueno, non creo que molestase moito xa que ía por un lado intentando manter un ritmo constante.

Tras pasar o primeiro km, miro o reloxo e vexo que marca un ritmo de 4:22 min/km, máis lento do que me esperaba pero coincidía coa saída en aglomeración e coa subida de Xoán XXIII polo que ía ben. Os seguintes km's xa foron a un ritmo medio de 3:50 min/km, ritmo máis rápido do que tiña pensado pero ía cómodo rodando así. Tiven que ir controlándome bastante porque o corpo pedíame ir máis rápido pero sabía que se facía iso ía acabar lesionado e moi mal.

Ao paso polo punto de control situado en Galeras, entorno ao km 7,5, marco un tempo de 30:04 min que equivale un ritmo de 4:03 min/km, dentro do que me propuxera polo que sigo uns 2 km's máis ata a chegaba a "temida" subida a Vite (km 9,5 aprox.). 

Decido facer un cambio de ritmo para saber como me atopaba e unha vez comezamos a subir comezo a tirar. Empecei a gañar moitos postos e animicamente ía moi forte vendo como ía subindo, tamén se pode dicir que practicamente ía "fresco" sen moito cansancio de antes. Acabei de subir Vite e noto como me empeza a faltar aire o esforzo foi grande e por mor da gripe os pulmóns non estaban ao 100% polo que recupero un pouco o alento para facer un último cambio de ritmo e xusto cando nos adentramos na zona vella de Santiago comecei novamente a tirar forte.

Durante ese ultimo treito da zona vella, sentíame como se fose voando, entre as ganas que tiña de correr rápido e os ánimos que daba a xente, foi espectacular. Fun todo o tramo da zona vella recuperando postos sen que ninguén fose capaz de seguirme, marcando ritmos entre 3:15 a 3:30 e sentíndome moi cómodo para chegar a meta satisfeito co resultado. 

O resultado final foi:

🏆 Clasificación xeral homes 🏆

🏆 Clasificación xeral mulleres 🏆

PD: Clasificación completa. Fotos cortesía de: El Correo Gallego, Javier L. e RunPhotos Galicia. Moitas gracias.