Unha vez chegamos a Santiago, cambiámonos para poñer o disfraz e rapidamente fomos cara a Praza do Obradoiro, lugar da saída e da meta. Alí sacamos a foto de equipo antes de dirixirnos a zona traseira para deixar que os que quixesen correr rápido o puidesen facer.


Fomos tanto para atrás practicamente fomos os últimos en cruzar a meta, perseguidos por uns frailes. Nunca tardara tanto en cruzar a saída, dous minutos e medio andando ata poder comezar a correr un pouco aínda que era complicado pola cantidade de xente que había. Pouco a pouco se ía estirando todo e puidemos comezar a gañar postos. Mentres íamos botando uns contos e vendo como toda a xente lle dicía aos rapaces pequenos: "mira aí vienen los renos de Papá Noel".

Fomos todo o tempo xuntos ata metade da proba, tras pasar pasar pola Alameda sobre o km 3, un dos renos, Marcos Otero, aumenta o ritmo sen saber o motivo, posiblemente tiña ganas de ir comer as uvas... Mentres eu sigo acompañando ao outro reno, Pablo Cerdeira, que lle estaba custando máis.

Así seguimos dirección a zona vella onde unha gran cantidade de público nos seguía animando. Mentres lle seguía facendo a labor de 'lebre' a Pablo dicíndolle cando lle faltaba para chegar.

Sorprendentemente a falta de 100 metros para chegar a meta, o reno Pablo aumenta de ritmo para poder dicir que me gañou. A miña idea era chegar os tres xuntos pero finalmente cada un a súa bola.

O resultado final foi:

🏆 Clasificación xeral mulleres 🏆